موكاكي ريفيوز

الخميس، 25 أكتوبر، 2012

مراجعة تابلت Telefunken ACCM700


أعتقد أنك قد سمعت أو قرأت في الجرائد عن تصنيع أول تابلت مصري و قد تناولته وسائل الإعلام بإسم الآي باد المصري.

هذه مراجعة أول حاسب لوحي يحمل شعار "صنع في مصر" ... نعم بين يدينا اليوم تابلت صنع بأيد مصرية.

الحاسب اللوحي هو Telefunken ACCM700 الذي تصنعه الشركة العربية لتصنيع الحاسبات إحدي شركات مجموعة الخرافي الشهيرة ... و يعرفها جيدًا المهتمون بعالم التكنولوجيا ... ففي نفس المصانع يتم تجميع جميع شاشات سامسونج و أل جي في مصر.

التابلت تصنعه الشركة العربية لتصنيع الحاسبات بالإشتراك مع مجموعة Telefunken الألمانية العريقة ... إختصارا هو تابلت مصري بتكنولوجيا ألمانية

هذا الحاسب اللوحي كان قد طرح لأول مرة منذ شهر من خلال شركة إتصالات مصر و نفذت الكمية المتاحة منه في أقل من أسبوع واحد ... مما دفع إتصالات مصر للتعاقد مع الشركة العربية لتصنيع الحاسبات لتوريد دفعة ثانية من الحاسب اللوحي "الظاهرة" ... و قد شجعنا هذا النجاح المبهر  لمراجعته.

تابلت Telefunken ACCM700 يأتي بشاشة 7 بوصة أي أنك تستطيع حمل الجهاز بسهولة في أي مكان و تستطيع وضعه  في حقيبة اليد.

نأتي للمواصفات الفنية للتابلت:

التصميم:

جودة التصنيع جيّده جدا وكذالك مسألة إمساك الجهاز والتحكم فيه ممتازة فتستطيع حمله و الكتابة عليه بيد واحدة أو الإثنين بكل سهولة.

من الأمام لا توجد أزرار حقيقية ... كل الأزرار الأساسية يتم التعامل معها من نفس الشاشة مثل الجالكسي نيكسس "مثل زرّ الرئيسية و العوده وزرّ المهام" و  يوجد كاميرا أمامية بدائية لإستخدامه في محادثات الفيديو بل و فتح الجهاز عن طريق خاصية التعرف علي الوجه  المعروفة بإسم Face Unlock.

من الخلف الجهاز إنسيابي بغطاء بلاستيكي قوي منحني الأطراف.

الشاشة:

شاشة الجهاز 7" متعددة اللمس  TFT LCD بدقة 800*480  و هي معالجة بـطبقة حماية ضد الخدش

القراءة و زوايا الرؤية علي الجهاز جيدة و به تطبيق يمكنك من إستخدام الجهاز كقارئ إلكتروني مثل جهاز كيندل الشهير.

درجة سطوع و وضوح الشاشة عالية جدا ... حيث أنك تستطيع العمل علي الجهاز بكفاءة متناهية علي أقل درجة سطوع ممكنة.

الجهاز يأتي بمستشعر دوران ... مما يعني أنك تستطيع حمل الجهاز بأي طريقة و ستدور معك الشاشة و الأزرار الإفتراضية في نفس إتجاهك...أي أنك لن تعاني في إستخدام التابلت في وضع القيام أو الجلوس أو حتي و أنت مستلقي علي السرير.

المعالج و الذاكرة:

معالج الجهاز ARM Cortex A8  بسرعة 1 جيجا هرتز و ذاكرة عشوائية 512 ميجا بايت DDR3 .

الجهاز يتميز بسرعة التنقل بين القوائم و يدعم تشغيل أكثر من برنامج في وقت واحد "مثلا تستطيع سماع الأغاني و أنت تتصفح الإنترنت" و هو ما يُعرف بال Multitasking.

الذاكرة الداخلية للجهاز 4 جيجا بايت ... تستطيع إستخدام 490 ميجا بايت منها لتحميل البرامج و هي مساحة كافية جدا لتحميل ما تريده من برامج ..و 2 جيجا بايت ذاكرة داخلية ... و هو شيء يحسب للجهاز و يتفوق به علي كثير من تليفونات أندرويد الذكية التي تأتي بمساحة ذاكرة داخلية قليلة تُقيد المستخدم في عدد البرامج التي يريد تحميلها.

معالج الرسوم الخاص بالتابلت هو Vivante GC800 GPU  و هو معالج مقبول يدعم تشغيل فيديو حتي جودة 1080p Full HD و يدعم برنامج أدوبي فلاش و لكنه لا يدعم ألعاب 3D.

تمت تجربة الكثير من الألعاب ثنائية الأبعاد علي هذا الحاسب اللوحي و لم نعاني من أي مشاكل في هذه الألعاب و ها هي قائمة ببعض الألعاب التي تمت تجربتها


اللعبة الأخيرة بالتحديد "Subway Surfers" ... كنت أعاني من كثير من التهنيجات بسببها علي جهازي الـiPad .. و لكن علي هذا التابلت عملت بدون أي مشكلة تذكر و لفترات طويلة.
لا أخفي عليكم سرا ... التابلت أصبح الجهاز المفضل لدي في الألعاب بسبب حجمه و سهولة التحكم فيه.
تحديث 14/3/2013: لعبة Subway Surfers لم تعد تعمل علي التابلت بعد التحديث الأخير لها. 

النظام:

التابلت يأتي بنظام أندرويد أيس كريم ساندويتش 4.0.3 و هو ما يميز الجهاز عن باقي الأجهزة اللوحية الأخري المنتشرة في السوق و منها حتي سامسونج جلاكسي تاب الذي يأتي بإصدار الهني كومب 3.1 ...سبب التميز هنا ليس فارق أرقام فحسب ... و لكن عليك أن تعلم أن جوجل الآن تنتهج نهج دعم الأجهزة التي بها إصدار أيس كريم ساندويتش و ما فوقه فقط .. مثلا تطبيقات حيوية مثل جوجل كروم و جوجل كالندر لن تحصل عليها إلا لو كنت مستخدم لجهاز يعمل علي نظام أيس كريم ساندويتش .. بل و تعمل أيضا الشركة العربية لتصنيع الحاسبات علي توفير تحديث للنسخة الجيلي بين قريبًا... و الجهاز يدعم التحدياث الخاصة التي تصل OTA "Over The Air" أي عن طريق الإنترنت أي أنه من المفترض ألا تحتاج للذهاب إلي مراكز الخدمة للحصول علي التحديث.

الجهاز به متجر أندرويد الشهير Google Play و هو متوافق توافق تام مع جميع البرامح التي تحتاجها و الألعاب التأكيد... إلي جانب هذا ... يوجد برنامج apkinstaller لتحميل البرامج و الألعاب من حاسبك الشخصي عن طريق كابل الUSB المرفق بالجهاز.

الوسائط:

الجهاز به واي فاي b/g/n و هو أوسع نطاق للواي فاي فتستطيع إسقبال إشارة الشبكات حتي 100 متر.

الجهاز به مدخل Mini USB ... أي أنك تستطيع توصيله بمودم الجيل الثالت أو قطعة بلوتوث من خلال كابل الـ OTG.

إلي جانب الذاكرة الداخلية التي أراها كافية يمكنك إمكانية إضافة ذاكرة خارجية من نوع SD حتي 32 جيجا بايت.

أكثر شيء أعجبنا بالجهاز هو إمكانية توصليه مباشرة بالشاشات التليفزيونية بل و إقامة عرض كامل عن طريق خاصية MHL ... و هي توصيل الجهاز بأي شاشة أو جهاز عرض به فتحة HDMI.

أنواع المودم التي يدعمها التابلت:


تحديث:
مودم Huawei E303 يعمل مع التابلت.

يرجي الملاحظة أن في بعض هذه الموديلات يجب إدخال بيانات الشبكة يدويا ... عن طريق توصيل المودم ثم الضغط علي

Settings>>More>>Mobile Networks>>Access point names

 و إدخال بيانات الشبكة يدويا كما في الصورة:


البطارية:

قمنا بإختبار بطارية الجهاز بإستخدام برامج قياس كفاءة البطارية و قد أعطت لنا 4 ساعات عمل مع تشغيل الواي فاي بشكل متواصل و علي أعلي درجة سطوع للشاشة و هو شيء جيد.

فيديو المراجعة:














ما يميزه:


  • أندرويد أيس كريم ساندويتش.

  • مخرج الHDMI.

  • الذاكرة الداخلية الكبيرة.

  • خدمة ما بعد البيع.

  • السعر المنافس.


ما ينقصه:



  • في رأيي لو كان بالجهاز بلوتوث داخلي كان سيكون أفضل ... و لكنها ليست مشكلة كبيرة خصوصا مع إنتشار برامج مشاركة الملفات مثل Dropbox و إن كان البلوتوث حيوي بالنسبة لك فتستطيع إستخدام بلوتوث USB خارجي.

  • ينقص الجهاز أيضا قطعة التحديد الجغرافي GPS ... و لكن ليس معني هذا ان الجهاز ليس به الخرائظ .. الجهاز به خرائط جوجل و تعمل بكفاءة و لكن التحديد الجغرافي يتم عن طريق الواي فاي فقط.

  • هناك نقطة في منتصف الجهاز من الخلف تسخن مع الإستخدام المتواصل ... و هذا شيء متوقع في أجهزة أندرويد ... خصوصا أن الغطاء الخلفي للجهاز بلاستيكي.

  •  حتي تستخدم برامج المحادثة مثل "فايبر و سكايب و غيرها" يجب إستخدام السماعات التي توضع داخل الأذن و لا تستطيع إستخدامهم بدونها.


 تحديث 11/11/2012: -الشركة المنتجة عدلت إستخدام برنامج فايبر و أصبح يعمل بدون سماعات الأذن...نشكر الشركة و نتمني ان تكون كذلك دائما من حيث الإستماع لملاحظات العملاء و العمل علي حلها.

-ظهرت مشكلة مع التحديث الجديد عند بعض المستخدمين هي صعوبة تحديث البرامج المحملة مسبقا علي الجهاز(مثل فيسبوك و يوتيوب).

كلمة أخيرة:

في رأيي الشخصي أهم ما يميز تابلت Telefunken ACCM700 في فئته السعرية هو خدمة ما بعد البيع و الدعم الفني ... فالجهاز يتم تصنيعه في مصر .. و مراكز خدمة ما بعد البيع منتشرة هنا.

حيث أن كثير منا ذاق الأمرّين مع أجهزة صينية مجهولة المصدر ... ذات خامات سيئة من الخارج و يعلم الله مكوناتها من الداخل و كثيرا منها لا يتوافق مع متجر جوجل بلاي أصلا و لا تجد لها مركزًا واحدًا لخدمة ما بعد البيع ولا قطع غيار ... بل أكثرها يتم شرائه عن طريق الشحن إلي المنزل علي طريقة "إدفع و بعدين إشتكي" ... الوضع مختلف هنا مع تابلت Telefunken ... فأنت معك شهادة ضمان لمدة سنة بل و قطع الغيار موجودة دائما ...و لم لا فالمصنع علي بُعد خطوات منك.

و أعتقد أن المستهلك المصري فطن لهذه الميزة و أنعكس ذلك إيجابيًا علي مبيعات الجهاز.

إلي جانب ذلك فإن هذا التابلت يباع في عروض ترويجية من شركات المحمول تحتوي علي مودم مجاني و بضعة شهور إنترنت مجانية.

106 comments :

معرفش و الله ... أصل كل تاجر هيبيع بالسعر اللي يعجبه ... و ممكن يضحك علي الزبون و هو شطارته يعني

[...] اتصلات كمان ... وفى مميزات كتيرة جدا ولاقيتها على مدونة مراجعة تابلت Telefunken ACCM700 | Mokaky Reviews لو حابب [...]

ممكن شرح لجهازEye Key Fusion iPad Tablet 7 Inch, 8 GB, WiFi, Black) عشان انا محتار بين الاتنين

هو التابلت ده بنستخدم فيه خط مكالمات عادى ولا كمبيوتر بس يعنى هو يعتبر موبيل كمان ولا لا ويا ريت سرعة الافادة عشان ناوى اشتريه والف شكر للمجهود ده بجد

مفهوش تليفون لأ ... مفيش تابلت محترم فيه خظ تليفون بأقل من 4500 جنيه

انا من مستخدمى الجهاز والجهاز يعمل بكفاءة عاليه وممتاز جدا بس عاوز اعرف طريقه عمل تحديث للجهاز ازاى

التحديث لسة موصلش للجهاز أون لاين ... أول ما ينزل هنحطه هنا.

هو الجالاكسى تاب مش محترم .. ردك مش صح خالص ياموكاكى .... التاب تو ب 2700 جنيه ونازل بكوالكوم كورتكس a9 سناب دراجون s3

السؤال علي التابلت اللي فيه مكالمات صوت ... و سعره 4444 جنيه
لو انت بتبيعه بأقل من كدة .... يبقي انت غالبا بتبيعه من غير ضمان
http://shop.vodafone.com.eg/shop/rtl/mobileDetails.jsp?selectionKey=500006&menuKey=mnit100007&skuId=sku990019

ياباشا عندنا فى موبايل شوب جالاكسى تاب تو p3100 بيتباع ب 2800 وبيعمل مكالمات والجالاكسى التاب تو 10 بوصة ب 3800 وكل دول بيعملوا مكالمات راجع انت بس امكانيات الاجهزة دى واسعارها

يعني انت بتعمل إعلانات ولا أيه ؟ مش فاهم؟
أنا واحد قريبي جاب الجلاكسي تاب تو 10 ... و الجهاز مش بيعمل مكالمات صوت.
و لو هو بيعمل مكالمات صوت ... سعره هيبقي أرخص من الجلاكسي تاب 2 7.7 ليه؟
تراجع انت الأجهزة اللي عندك ... و إتأكد اذا كانت بتعمل مكالمات ولا يا دوب رسائل إس أم أس

طب الجهاز شغال معايا زى الفل ف كل حاجه الحمد لله
بس انا عاوز اعرف ازاى اشغل الكاميرا اللى ادام ف الفيديو شات ؟؟

يا محمد افتح برنامج سكايب أو تانجو و لما تفتح المكالمة دوس علي علامة الكاميرا ... هتلاقي الكاميرا اشتغلت ... حاجة سهلة خالص

msh btfta7 tayeb lih f el yahoo w el oovoo lih ??

howa fe sim card ?

w el viber el feeh bey3mal callls 3ady?

بيعمل مكالمات عادي خالص ... مفهوش شريحة لأ ... و انت بتسجل فايبر ... حط الرقم بتاع موبايلك العادي ... هيبعت عليه رسالة ... تدخلها في فايبر و يشتغل

طب بيعمل مكالمات عادي خالص ازاي ؟ يعني ياتحاسب ازاي؟ ولا لازم اكون شغال بالواي فاي ؟

معرفتش فى الاخر سعره كااااااااااااام ؟

السعر ياباشا انت ليه مصمم ماتقولش السعر

سعره مش ثابت يا فندم ... حسب ما تجيبه ... بعرض انترنت مجاني من موبينيل مثلا أو من تاجر من غير عرض
السعر بيتراوح من 850 لحد 1000

howa a el far2 been telfunken ACCM 700 we ACCM 712 beta3 mobinil ?

مفيش فرق ... السوفت وير فيه تعديلات بسيطة بس.

Settings>>More>>Mobile Networks>>Access point names الاختيارات دي مش موجوده عندي

في حالة وجود أي إستفسارات .. يرجي الضغظ علي كلمة الدعم الفني بالأعلي و ترك إستفسارك و سوف نقوم بالرد عليك في أقرب وقت.

انا عندي التاب بس فيه مشكله سعات لما بيسخن بلاقي الكلام الفي الشاشه بينغمش .
وفي حاجه تانيه لما بسطب برامج كتير مش بيهنج بس لما بخش علي الاعدادت ولما اضغط علي اي كلمه يظهرلي اطار احمر يظهر ويختفي بس بعالجه بعمل اعاده طبط المصنع وبيشتغل تاني بس مشكله النغمشه متحلتش مش عارف اعمل فيها ايه يريت حد يفدني

في حالة وجود أي إستفسارات .. يرجي الضغظ علي كلمة الدعم الفني بالأعلي و ترك إستفسارك و سوف نقوم بالرد عليك في أقرب وقت.

ممكن حد يكتب المده اللي بيستغرقها الجهاز علشان يشحن البطاريه

في حالة وجود أي إستفسارات .. يرجي الضغظ علي كلمة الدعم الفني بالأعلي و ترك إستفسارك و سوف نقوم بالرد عليك في أقرب وقت.

ماذا عن برامج أوفيس على الجهاز هل يدعم الكتابة وتحرير النصوص وما إلى ذلك

وهل يمكن توصيل كيبورد يو إس بي له

اه ياريت نعرف اذا كان بيدعم برامج الاوفيس ولا لا ... ؟؟؟؟

يا ريت يتم تعديل التقييم لانه مش بيشغل اليواس بي بلوتوث والكلام ده من خدمه العملاء الخاصه بهم ...

يا ريت تعمل فيديو يوضح الالعاب بتشتغل ازاى عليه بس تكون العاب قوية زى asphalt و modern combat ولاحظت بردو ان الشاشة كانت بتعلق فى تصفح الانترنت وشكرا :)

لا الشاشة مش بتعلق يا باشا .. انا النت كان بطئ عندي يوم ما صورت المراجعة

law sam7to 2ashtreh manan

wa kaman 3ayzen 2al rakam bat 3al tab 2al mohades

أزال أحد مشرفي المدونة هذا التعليق.

عاااوز اعرف استخدام القرائه فيه للكتب دى اهم حاجه بالنسبالى

طيب هو ينفع ينزل عليه برامج اوتوكاد و لا لأ عشان يقرا لوح هندسيه

طيب ايه رايكم فى تابلت اتصلات ولى نكست بوك

تابلت نكست بوك .. مش معروف أوي في مصر ...
تابلت إتصالات بقي قديم نوعا ما ... و ظهرت بدائل أفضل منه
إحنا خلال يومين هنزل مراجعة لتابلت أكستروم ... شوفها و قارن بينهم

بليز ترد على بسرعه علشان انا بقرر اشترى انهى واحد

طيب انا لو ايز اشترى واحد فى نقس فات السعر اجيب انهى احسا وممكن اعرف بيتباع فين

انا مجربتش تابلت نكست بوك ... ف مقدرش أحكم عليه
أنا جربت Eye Key و Telefunken و HCL و Axtrom
و رأيي ان أكستروم أعلي واحد فيهم من ناحية الإمكانيات و جودة الشاشة.
و برضه يا ريت تستني المراجعة و تشوفها بنفسك ... لأني لسة بستكشف فيه
و بلاش الإستعجال في الشراء ... إسأل مرة و إتنين و تلاتة لحد ما تستقر علي الأفضل

طيب هو axtrom سعره كام وبيتباع فين

تابلت Telefunken موجود في فروع إتصالات و موبينيل و علي مواقع سوق و جوميا
تابلت Axtrom موجود عند وكلاء الشركة شركة ABC و شركة BDL اللي هي وكيل شركة DELL بتاعة اللاب توب و علي موقع جوميا

الإتنين معاهم ضمان سنة .. لكن بالتجربة الشخصية بتاعتي أنا شايف أكستروم أفضل لحد الآن

طيب بلنسبه للسعر وسورى على الرخامه بتعتى

مفيش رخامة ولا حاجة ... بس أنا مش تاجر و الله
الإتنين تقريبا بنفس السعر ... بس أكستروم عامل عرض اليومين دول و حاطط جوة علبة الجهاز مودم مجاني و سكرين بروتكتور و جراب جلد

مرسى كتير بس ممكن اعرف فين الفروع بتاعت الوكيل ده انا اسف كتير على السخافه الى انا فيه

كان عندي صفحة من إعلان في جرنال الوسيط لتابلت Axtrom فيها فروع الوكيل ... بس للأسف ضاعت مني ... و كنت بدورلك علي عنوان و تليفون الوكيل هو ورا فندق سونستا... و اللينك أهو http://www.yellowpages.com.eg/profile-ar/NjEwMjE=/ABC-_-Advanced-Business-Center.html

شكرا كتير على الافاده وانت رايك تابaxtrom

وممكن اشتريه من موقع سوق كوم ولى مش مضمون

ما دام مكتوب ان التابلت جديد ... و البائع إسمه Souq-EG أو DOD-EG ... إن شاء الله هيبقي مضمون ... و إتأكد برضه بإنك تتصل بالشركة

مرسى كتير وانا عارف انى كنت رخم جدا بس انا بصق فى كلام المدونه ده

انا سألت وقاولوي مش حلو وبيبوظ بسرعه, فهل ده حقيقي ؟؟

هو انا ممكن اغير الرام باي رام تانية DDR3 ?

لو سمحت عايزة أعرف إذا كان التابلت دة بيشغل الأوفيس ولا لأ ،،،وكمان قطع غياره اسعارها كويسة ولا لأ!!....كمان عايزة أعرف هل فيه تابلتس تانية في السوق كويسة وبنفس السعر؟؟... (موضوع تشغيل فيسبوك ويوتيوب مش فاهمة قصدك فيه )...يا ريت ترد علي!

بيشغل أوفيس أيوة
بالنسبة للإمكانيات ... ظهر تابلت Axtrom .. أفضل منه دلوقتي
بس لو عايزة فايبر و واتس أب ... هاتي Telefunken
الإتنين معاهم ضمان لمدة سنة

هو ممكن يتوصل به كيبورد؟
و هو بيشغل اى صيغة فيديو ؟

هل فعلا موضوع انه بيبوظ بسرعة ده .. ويا تري لو عايزين تنصحوني تنصحوا اجيب ده ولا اجيب التاب 2 بتاع سامسونج

انا اشتريت له كفر مع كيبورد يدعم العربية بس بيكتب انجليزى فقط هل فيه طريقة لجعل الكيبورد يكتب عربى

عرفت طريقة تخلى الكيبورد الخارجى يكتب عربى لو حد عايز يعرف

انا بشتغل فى شركة كمبيوتر وبنبيع الاكستروم من فترة
بس مرتجعاته كتير يعني فعلا بيبوظ بسرعة احنا جبنا حوالى 20 قطعة رجع منهم للصيانة 11 فى ظرف شهر واحد .

حركات قرعة عشان تعمل دعاية لـ شركة منافسة ... و فاكر الناس بـ ريالة و هيصدقوك

اما تا تليفونكن فلسه جايبنه من يومين وربنا يسهل واشوف اخبار مشاكله ايه

لا والله بس ليك حق تفكر فى كده عموما ممكن تسأل وتتأكد بنفسك المشكله مش فى اداء الجهاز هو فعلا احسن من من تابات كتير فى الشغل لكن مشاكله فعلا كتيره.... وعموما انا ماقولتش اسم شركه منافسه ول كنت عايز تمسح تعليقى مافيش مشكله لحد ماتتأكد على الاقل بنفسك.

انا عندي الإتنين ... تليفونكن و أكستروم ... أكستروم أفضل ب سنين ضوئية ... و ده عن تجربة الإتنين ل فترة طويلة ... و انا مجرد مستهلك عادي ... ولا مستفيد من ده أو ده ... و مش تاجر

انا ماعنديش تاب اصلا وماقدرش اتكلم عن أدائه زي حضرتك انا بس بحكم شغلي بتابع الاجهزه اللي بتسافر للضمان وزي ماقولت قبل كده انا بشتغل في شركه مش صاحب شركه يعني برضه مش مستفيد من اى حد انا بس حبيت اوصل المعلومة ...وماعنديش مانع انك تمسح التعليقات علشان الناس ماتتلخبطش ...واسف لو كنت من غير قصدي قولت حاجه تضايق او عملت مشكلة.

يا باشا انا مش بمسح تعليقات لأني مش مستفيد ... الحكم بيبقي للمستهلك ... انا بعمل مراجعات للأجهزة بحكم معرفتي بيها ... خلاصة الكلام ... أكستروم أسرع 4 أضعاف تليفونكن.

هل جهاز Tablet Axpad 7I01 بيشتغل علية usb modem للشبكات التلاتة فى مصر
........و لك جزيل الشكر

انا بفكر اشتربه بس عندى سؤال هو التاب دا ممكن يشغل usb فلاش عادى وهيشغل برامج office كويس وال pdf

دلوقتي Axtrom ظهر ... و هو أفضل منه ... خصوصا ان فيه منه نسخة ب شاشة HD ... غير اللي انا راجعتها علي المدونة

انا كنت كلمتك قبل ما اشترى التاب و فعلا اشتريته واكتشفت انه مش بيشغل الموديم الهاواوى k3565 وقبل ما اشترى واحد جديد جربت اغير الفريم وير بتاعة وفعلا اشتغل وبيدخل نت تمام ... بس فيه مشكلة الفيبر مش بيشتغل معاه مع ان كل حاجة فى النت شغالة وتمام

اسف فعلا ... الفيبر اشتغل بعد محاولة ارسال اى رسالة او عمل اتصال ... كده تمام ... شكرا

ممكن اعرف الموديل accm901 اللى شاشته 9.7 بوصه نزل السوق ولا لا وسعره كام واجيبه منين ؟

السلام عليكم انا لسه شارى الجهاز ده من سوق دوت كوم المهم الجهاز جاى فاصل شحن خالص يعنى مانطقش غير لما حطيته فى الشاحن وبعدين التاتش بتاع حاسس انه تقيل مش عارف ده عندى بس ولا ايه اخر حاجة لما اشغل تطبيق او اتنين الاقيه هنج ويقولى يقفل التطبيق او انتظر ...ياترى فيه مشكلة ولو فيه مشكلة ايه حلها ولا ادخل فى سكة ارجاع الجهاز وتنصحنى بايه فى كل الحالات ولو حرجعه اقولهم ايه جزاك الله خيرا

سلام عليكم انا كنت عايز اعرف جهازAxtrom فية كميرة خلفية ؟
و اجيبو منين و بكام وهل هو مختلن عن جهاز etisalat ولا لا
والجهاز بتعكم فية كميرة خلفية؟
شكرن........

يعنى مش هاعرف اعمل منه مكالمات؟

انا معايه التابلت Telefunken Accm700 والشاشه بتقفل وبدوس power مبيفتحش ولا بيقفل وكنت موصله كارت ميمورى هوه ممكن يتعمله فورمات او اعادة ظبط ولا هوه كده لازم يروح الضمان

يعنى التابلت مش عاوز يفتح ومشحون بدوس باور مبيفتحش هل يوجد فورمات ليه او ريست علشان يعيد ضبط مصنعه ام لا ام هوه باظ ولازم يروح الضمان

وعاوز اعمل اعدادات لفلاشة اتصالات علشان ادخل على النت من خلالها ولو مينفعش ادخل على النت من خلال فلاشة نت اتصالات ومعنديش واى فاى اعمل ايه علشان ادخل نت عليه

بالنسبة لأخر سؤال هنا .. انا عندى التابلت ده وجبت جهاز بيحول الكابل rj 45 بتاع النت إلى USB الجهاز ده فى محلات الكمبيوتر بيسموه "كارت لان يو اس بي " وهو زى الموجود فى الصورة دى
http://images.geeksimages.com/imageshare/H/300x300/HE-130R-unit.jpg
ثمنة كان 20 جنيه ، ومعاه اسطوانة تعريف بس مش هتحتاج لأى تعريف بمجرد توصيله بالتابلت وكابل النت هيتعرف عليه ويشتغل

الجهاز ده بيتوصل من ناحيه بالتابلت ومن ناحيه بفلاشة النت ولا انا كده فاهم غلط

طبعاالجهاز بيتوصل بفلاشة نت ، ولو متعرفش على الفلاشة ممكن حضرتك تدخل الاعدادات يدوي زى ما هو مكتوب هنا بالأعلى ولكن اهم شئ يكون موديل ونوع الفلاشة من الموديلات اللى بيقبلها التابلت ، أما الحل اللى انا قولته فى الرسالة السابقة ده لو مافيش واى فاى أو فلاشة نت وفيه نت عادى مش لاسلكى.

بصراحه انا مش معايه غير الف جنيه وكنمت محتاج تابلت 7 بوصة بشريحة موبايل وكاميرتين واهم شيء تكون بطاريته كويسه لأن انا بستخدم افنترنت 24 ساعه . لكن انا شايف ان المبلغ غير كافي لأن بقالي اكتر من 10 ايام بتابع اللي اقدر اشتريه بالمبلغ ده وملاحظ ان اغلب المستخدمين اللي اشتروا بلت ايا كان نوعه بالمبلغ ده بيشتكوا من حاجات كتير وبعضهم ندم انه اشترى تابلت رخيص .. بصراحه متردد

ياجماعه انا بقي التابلت بيفصل مني ومش بيرضي يقوم خالص حتي لو حطيطو علي الشحن يوم كامل ايه العمل ارجو الرد بسرعه

ممكن اعرف مكان التوكيل بتاع التابلات

ممكن صوره لاعدادات النت في التابليت لشريحة اتصالات ومن فين نعملها

رائع اخي .. متميز دائما ..

موقعي للنكت والترفية :-
http://jokes4world.blogspot.com//

التبلت اتقفل علشان حد فضل يجرب النم غلط كتير اتقافل خالص ولزم جوجل اكونت علشان يفتح وكل مدخل جوجل اكونت يقولي غلط ومش عارف اعمل ايه يا ريت حد يساعدني لو سمحتو يا ريت حد يرود

انا اعرف تليفونكن يدعع شريحة sim ولا لا

لو سمحت انا اشريت التابلت وفصل مره واحده ومش عارف افتحه تانى دا عيب بطاريه ولا ايه وفى واحد صاحبى قالى فى برنامج لاعادة تقوبم البطارية لو فى حد يعرف اسم البرنامج ممكن يقولى عليه عشان انزله

ممكن لينك العاب تشتغل عليه

طيب انا ح استعمل التاب للقراءة وفيس وتصفح وواتس آب وفايبر وفلوسي مش كتير أجيبه ولا أجيب لينوفو 1000 اللى هوه ب 900جنيه

هل التاب يقبل فلاشة نت قودافون ؟ ارجو الرد !

هو تابلت زى الفل بس العيب الوحيد انة مفهوش كاميرا خلفية

إرسال تعليق

إنشر المدونة